Abbas Noon Mang K Rab Kolon | Ayam E Fatima Noha Lyrics

Abbas Noon Mang K Rab Kolon | Ayam E Fatima Noha Lyrics 

(نوحہ (حضرت فاطمتہ الزہرا سلام اللہ علیہا

عباس نوں منگ کے رب کولوں بڑا روئی سین مصلے تے

(ثانی)

یثرب وچ ویکھ لئیا منظر، زہرا نے شام دی پیشی دا ، رئی کردی وینڑ مصلے تے

(1)

یارب اک پتر عطا کر دے جہیڑا درداں دا غم خار ہوؤے

جہیڑا زینب تے کلثوم دئیاں چدراں دا پردے دار ہوؤے

اوہدا ویکھ کے رعب زمانے تےکرے لکھ لکھ ویکھ شکر تیرا

اوہدی زینب بھین مصلے تے

(2) 

جیویں پیش ہوئی آں میں ربا میری دھی دی پیشی نہ ہوئے 

جیویں کھویا میرا حق اینا اوہدی چادر نوں کوئی کھوؤے نا

میری غیرت دا اے ناں غازی مینوں موڑ دے میرا سرمایا

میں ہاں بے چین مصلے تے 

(3)

تیری فوج دے میں جرنیل لئی ہتھاں نال علم بناواں گی

اوہدا جھولا تیرے جھولے دے پیراں ول آپ سجاواں گی

میرے بعد تیرا حبدار ہوسی سن صفتاں ویر عباس دئیاں

آ بیٹھ حسنین مصلے تے 

(4)

دربار چہ خطبے پڑھدی رئی میں دسدی رئی میں زہرا واں

میں بنتِ محمد ہاں لوکوں میں سیدہ عابدہ طاہرہ واں

میرا فیر وی نا انصاف ہویا جدوں سوچاں اپنی پیشی نوں

اتھرو ڈگ پیں مصلے تے

(5)

حسنین تے پتر نے سرور دے میرے نال جے پتر عباس ہوندا

میں ویکھدی جھنکاں دیندا تے میری سند نوں کون سی جٹھلاندا

تیری اوس کنیز نوں موڑ دِتا جیڑی ونڈ سکدی اے مرضی نل

تیرا کل دارین مصلے تے 

(6)

تطہیر دا نوری کعبہ تے مرکز جو ثمر بنیائیاں دی

جہیڑی مذہب وچ حجاب اللہ جیڑی مالک اے کل شائیاں دی

اوہدے قدم مبارک رب جانڑے کیویں ٹر گئے دربار تئیں

جیڑے ہر دم رہن مصلے تے 

شاعر :- ثمر عباس راوی روڈ

سوز و ترتیب :- عظیم خان